Leikskólinn Sunnuból
             Móasíðu 1,
              sími:461-4922/846-1781,
              netfang: sunnubol(hjá)akureyri.is

Gleðin er í senn birta og ylur, sem þenur út æðarnar og er því eitt besta heilsulyfið.

Dagbók Sunnubóls

Til foreldra í leikskólum á Akureyri:
Á hverju ári berast skóladeild umsóknir þar sem foreldrar óska eftir að flytja börn sín milli leikskóla innan bæjarins. Að því tilefni vill skóladeild benda á eftirfarandi.
Aðalinnritun í leikskóla fer fram í apríl / maí ár hvert. Því er mikilvægt að allar beiðnir um flutning hafi borist skóladeild Akureyrar fyrir 30. mars ár hvert. Ef umsóknir berast eftir þann tíma er ekki hægt að tryggja að flutningur geti átt sér stað fyrir væntanlegt skólaár.

Sumarlokun í Sunnubóli sumarið 2012 er frá 9. júlí - 3. ágúst. Fyrsti dagur eftir sumarleyfi er 7. ágúst.

6. janúar: Um áramótin komu til breytingar á matseðlum í leik - og grunnskólum, sjá nánar

4. janúar 2012: Við höldum áfram að kenna og rifja upp reglur í SMT

Við óskum öllum börnum og foreldrum gleðilegra jóla og farsældar á nýju ári með kæru þakklæti fyrir árið sem er að líða.

Ný gjaldskrá leikskóla frá 1. janúar 2012

Breytingar á matseðlum í leikskólum Akureyrar

• Jólaball leikskólans verður haldið hér í leikskólanum föstudaginn 16. desember kl. 14:00-15:30. Við ætlum að dansa í kringum jólatréð, jólasveinninn kemur í heimsókn með glaðning frá foreldrafélaginu og við ætlum að gæða okkur á smákökum. Foreldrar eru hjartanlega velkomnir í heimsókn til að eiga með okkur notalega stund:)
  
   

• 8. des: Föstudaginn 9. desember verður kakódagur hjá okkur. Þá útbúum við kaffishúsastemmingu í salnum og bjóðum upp á kakó og smákökur. Börnin mega koma með jólasveinahúfur með sér:)
   

• 28. okt: Í dag var brunaæfing hjá okkur í leikskólanum sem gekk mjög vel. Þegar bjallan fór í gang fóru öll börnin út á leiksvæðið á sitt svæði þar sem þau eiga að koma saman með sínum kennurum. Þau stóðu sig mjög vel og enginn varð hræddur. Við gátum líka tengt æfinguna við dygðina hugrekki sem við erum að vinna með núna og ræddum það aðeins við börnin áður með það hvað gerist þegar bjallan fer í gang. Slökkviliðið kom líka í heimsókn og þeim fannst mikið til þess koma að sjá slökkviliðsbílinn.
   

• Á föstudag verður brunaæfing í leikskólanum. Við munum æfa okkur i því að rýma húsið ef upp kæmi eldur. Bjöllur verða ræstar og slökkviliðið kemur á staðinn okkur til aðstoðar.
   

• Hér má sjá dagskrá á innleiðslu á reglum og upprifjun í SMT, þannig að þið getið fylgst með því hvað reglur við erum að minna á / kenna hverju sinni.
   

• Breyting á gjaldskrá: Samkvæmt breytingunum munu námsmenn greiða samkvæmt afsláttargjaldskrá ef þeir stunda nám sem stendur í a.m.k. eitt ár í stað tveggja áður. Ef annað foreldri er í námi og hitt foreldrið atvinnulaust greiða þeir samkvæmt afsláttargjaldskrá. Nánari upplýsingar um vottorð og skilafrest til skólastjóra vegna afsláttarins er hér
   

• 6. okt: Foreldrafélag Sunnubóls hefur verið skipað og hér er hægt er að sjá hverjir skipa stjórnina í vetur.
   

• 4. okt: Nýr starfsmaður á Hvolpadeild, Hafdís Unnsteinsdóttir grunnskólakennari, byrjaði 3. október. Hún er með vinnutímann 9:00 - 15:15. Við bjóðum hana velkomna til starfa.
   

• 5. sept: Aðalfundur foreldrafélagsins verður þriðjudaginn 27. september nk. kl. 18. Venjuleg aðalfundarstörf og kosið verður í foreldrafélag og foreldraráð. Áhugasamir foreldrar sem vilja starfa í félögunum, hafið samband við leikskólastjóra. Mikilvægt er að hafa öflugt fólk í þessum störfum sem láta sér málefni barnanna varða.
   

• Matseðilinn fyrir september er hægt að nálgast hér
   

• 10. ágúst: Þriðjudaginn 16. ágúst byrja 7 börn í aðlögun hjá okkur og fara þau öll á Hvolpadeild þar sem þar verða eingöngu börn fædd 2010.  Að þessi sinni er aðlögunin með breyttu sniði en áður, þar sem við erum að taka upp þátttökuaðlögun. Þátttökuaðlögunin byggir á fullri þátttöku foreldranna í starfi leikskólans þá daga sem aðlögunin fer fram. Aðeins annað foreldri er með barninu í aðlöguninni. Þriðjudaginn 22. ágúst koma síðan önnur 7 börn á Hvolpadeildina þannig að það verður margt um manninn hérna næstu tvær vikurnar. Við bjóðum börn og foreldra velkomin í leikskólann til okkar :)
    

• 10. ágúst: Skóladagatal fyrir skólaárið 2011-2012 má nálgast hér
   

• 9. ágúst: Nú erum við hægt og sígandi að koma okkur í gang eftir sumarfrí. Enn eru börn og starfsfólk í fríi og aðlögun nýrra barna byrjar í næstu viku. Börn skiptu um deildir í dag sem þurfa þess og hefur það allt gengið vel. Jóna Ragnhildur Guttormsdóttir hóf störf á Bangsadeild 2. ágúst og 15. ágúst byrjar Kolbrún Einarsdóttir kennari á Kisudeild. Bryndís Benjamínsdóttir sem hefur starfað hjá okkur í hartnær 10 ár kveður okkur í dag og byrjar á nýjum vettvangi í næstu viku. Við þökkum henni kærlega samstarfið og bjóðum ennfremur nýju starfsfólki velkomið til starfa.
   

• 3. ágúst: Föstudaginn 10. júní sl. var athöfn í Ketilhúsinu þar sem nemendur og starfsfólk í leik og grunnskólum Akureyrar fengu afhentar viðurkenningar frá skólanefnd fyrir framúrskarandi skólastarf. Í ár fengu 15 nemendur, 3 verkefni og 3 einstaklingar viðurkenningu. Sunnuból fékk viðurkenningu ásamt Síðuseli og Krógabóli fyrir kennsluefnið Lífsleikni í leikskóla. Við erum að sjálfsögðu mjög stolt með þessa viðurkenningu. Hér er hægt að fræðast nánar um kennsluefnið Lífsleikni í leikskóla
  
  2. ágúst: Sunnuból hefur opnað aftur eftir sumarfrí :)
  
   

Eldri Fréttir

Aðalnámsskrá leikskóla

Frá heilsugæslunni

Viðbragðsáætlun Sunnubóls
gegn inflúensu

Sumarlokun leikskólanna

Sumarlokun Sunnubóls:

2011
4. - 29. júlí

2012
16. júlí - 13. ágúst

2013
18. júní - 16. júlí

 
              Skólastjóri: Kristín Sigurðardóttir.